انتظام

Candidate Profiles

• جناب عبدالمجید

  جناب عبدالمجید نیشنل فوڈز لمیٹڈکے اور ایسوسی ایٹڈٹیکنالوجی کنسلٹنٹس پرائیویٹ لمیٹڈ کے شریک بانی، ڈائریکٹر اور چیئرمین ہیں۔

  ایک کلیدی رہنما کی حیثیت سے جناب عبدالمجید کے تجربات ابتداء سے ہی متفر ّق رہے ہیں جس کی بدولت کمپنی کی ثقافت میں گہرائی اور بصیرت میں اضافہ ہوا ہے۔ ایف سی کالج (ایک چارٹرڈ یونیورسٹی)، لاہور سے طبیعیات اور ریاضی میں گریجویشن کے بعدانہیں برٹش کونسل نے ٹیکسٹائل انجینئرنگ میں اعلیٰ تعلیم کے لئے منتخب کیا۔ بعد از آں جناب عبدالمجید نے سن 1959 میں مانچسٹر یونیورسٹی سے ٹیکنالوجی میں اپنا بی ایس سی (آنرز) بھی مکمل کیا۔

  آج پاکستان کی صف ِ اوّل کی فوڈ کمپنی، نیشنل فوڈز لمیٹڈ کے قیام میں ایک اہم کردار ادا کرنے کے علاوہ جناب عبدالمجید نظریۂ پاکستان ٹرسٹ، سندھ اور ٹیکسٹائل انسٹیٹیوٹ آف پاکستان کی، بحیثیت باالترتیب چیئرمین اور چانسلر سربراہی کر رہے ہیں۔ آپ نیشنل ٹیکسٹائل یونیورسٹی، فیصل آباد کے گورنرز کے بورڈ کے رکن بھی ہیں اور ماضی میں فیڈرل ٹیکسٹائل بورڈ اور حکومت پاکستان کے انجینئرنگ ڈیولپمنٹ بورڈ کے رکن کی حیثیت سے بھی خدمات انجام دے چکے ہیں۔ مزید بر آں آپ ایف سی کالج، لاہورکے وائس پریزیڈنٹ ایلمنائی ایسوسی ایشن ہیں، پاکستان انسٹیٹیوٹ آف مینجمنٹ اور سوسائٹی فور دا پروموشن آف اریبک، کراچی کے سابقہ بورڈ ممبر ہیں۔

  مسلسل جدت میں گہری دلچسپی کے ساتھ جناب عبدالمجیدنیشنل فوڈز لمیٹڈ میں ریسرچ اینڈ ڈیولپمنٹ ٹیم کے سربراہ کے طور پر بھی اہم کردار رکھتے ہیں۔ آپ مختلف سماجی شعبوں میں اپنی مصروفیت کے علاوہ روٹری ڈسٹرکٹ 3270کے فعال رکن رہ کراپنی مختلف صلاحیتوں کا مظاہرہ کر چکے ہیں۔ انہوں نے خواندگی کا پروگرام (لٹریسی پروگرام) متعارف کروایا اور 10سال تک لٹریسی پروگرام کے ڈسٹرکٹ چیئرمین رہے۔

  آپ آرٹس کونسل، کراچی کے تا حیات رکن ہیں اورورلڈ فیوچر سوسائٹی، باتھسڈا، یو ایس اے کے پیشہ ور رکن ہیں اور ساتھ ہی ساتھ انٹرنیشنل جیو سنتھیٹک سوسائٹی، یو ایس اے کے رکن بھی ہیں۔ حال ہی میں جناب عبدالمجید کوٹیکسٹائل انسٹیٹیوٹ آف پاکستان کے چانسلر کی حیثیت سے تیسری مرتبہ منتخب کیا گیا ہے۔

• جناب زاہد مجید

  جناب زاہد مجید نے 1987میں نیشنل فوڈز لمیٹڈ میں شمولیت اختیار کی اور اسے غذائی اشیاء کے ایک چھوٹے سے ادارے سے پاکستان کا غذائی مصنوعات بنانے والا صفِ اوّل کا ادارہ بنادیا۔ اس وقت سے انہوں نے مختلف عہدوں پر خدمات انجام دیں، جس میں کارپوریٹ مارکیٹنگ فنکشن سے لے کر حالیہ بین الاقوامی کاروبار کے ذیلی ادارے نیشنل فوڈز ڈی ایم سی سی کا قیام شامل ہے۔ انہوں نے نیشنل فوڈز لمیٹڈمیں اجتماعی سماجی ذمہ داری (سی ایس آر)کے پلیٹ فارم کے قیام کے ذریعے استحکام کا تصور پیش کیا۔جناب زاہد مجید نے یونیسیف کے ساتھ پبلک۔پرائیویٹ پارٹنرشپ کے اقدام کے ذریعے1990کے وسط میں پہلی مرتبہ آئیوڈین ملا نمک متعارف کرواکے ایک اہم کردار ادا کیا جو اجتماعی سماجی ذمہ داری کے تحت تھا جس کے ساتھ ساتھ انہوں نے دیگر اہم اقدامات بھی کئے جس میں تعلیم، صحت، غذائی اقدامات شامل ہیں جن میں ان کی کوششیں خواتین کو با اختیار بنانے پر مرکوز رہیں۔

  جناب زاہد مجید نے ایسوسی ایٹڈ ٹیکنالوجی کنسلٹنٹس پرائیویٹ لمیٹڈ (اے ٹی سی) میں ٹیکسٹائل، توانائی، ماحولیاتی کاروبار اور سرمایہ کاری کے شعبوں کی بھی سربراہی کی۔

  جناب زاہد مجید نے اوکسفرڈ یونیورسٹی میں میگڈیلین کالج سے فلسفہ، سیاسیات اور معاشیات کی تعلیم حاصل کی اور بعد ازآں یونیورسٹی آف نیو ساؤتھ ویلز، آسٹریلیا سے ٹیکسٹائل ٹیکنالوجی میں ماسٹر ڈگری حاصل کی۔ جناب زاہد مجید حال ہی میں انسٹیٹیوٹ آف ڈائریکٹرز (آئی او ڈی)، لندن سے کمپنی ڈائریکشن کی سند کے اہل قرار دیئے گئے ہیں، یہ ایک بین الاقوامی سند ہے جس سے ان کی اجتماعی انتظامی صلاحیتوں کے اعلیٰ معیار کے عہد کا ثبوت ملتاہے۔

• بیگم نورین حسن

  بیگم نورین حسن نے یونیورسٹی آف برمنگھم، یو کے سے اپنی بیچلرز ڈگری اونرز کے ساتھ ”قرون ِ وسطیٰ اور جدید دنیا کی تاریخ(Medieval and Modern World History)“ میں تکمیل کے بعد 1991میں گریجویشن کیا؛ ”گوئٹے مالا کا 1956کا بحران (The Guatemalan Crisis of 1956) اور اینگلو امریکن تعلقات (Anglo American Relations)پر مقالے لکھے جس پر انہیں دو فرسٹ کلاس اعزازات سے نوازا گیا، یہ مقالے یونیورسٹی نے شائع کئے۔

  اجتماعی سماجی ذمہ داریوں اور فلاح وبہبود کی سرگرمیوں میں بیگم حسن کی گہری توجہ رہتی ہے۔ ان کی حالیہ مصروفیات میں چلڈرن کینسر فاؤنڈیشن پاکستان ٹرسٹ کی سرگرمیاں شامل ہیں۔ وہ مسلسل بنیادوں پر انڈس اسپتال سے منسلک ٹرسٹ کے لئے فعال طور پر سرمائے کا انتظام اور انصرام کرتی رہی ہیں تاکہ اس سلسلے میں استحکام اور آگہی کو بڑھایا جا سکے۔بیگم حسن چھوٹے پیمانے پر قائم کئی دوسرے فلاحی اداروں کے لئے بھی کام کرتی رہی ہیں جس میں گھارو میں واقع ایجوکیشن اینڈ چلڈرنز ہیلتھ آرگنائزیشن (Echo)کی مالی معاونت اور رشید آباد کے اسکول کے پسماندہ بچوں کی کفالت بھی شامل ہے۔

• بیگم سعدیہ نوید

  بیگم سعدیہ نوید انگلش بسکٹ مینوفیکچررز (پرائیویٹ) لمیٹڈ (EBM) کی ڈپٹی منیجنگ ڈائریکٹر ہیں۔ یہ جون 2013سے مارچ 2015تک مینجمنٹ ایسو سی ایشن آف پاکستان (MAP)کی سب سے پہلی خاتون صدر بھی تھیں۔

  بیگم سعدیہ نوید اپنے گریجویشن کی تکمیل کے بعد چارٹرڈ اکاؤنٹینسی کے شعبے میں منتقل ہو گئیں اور چار سال سے زائد عرصے کے لئے اے ایف فرگوسن اینڈ کمپنی سے منسلک رہیں جہاں انہوں نے کئی قومی اور بین الاقوامی اداروں میں ایک سینیئر کی حیثیت سے آڈٹس کے معاملات کی دیکھ بھال اور نگرانی کی۔

  یہ ای بی ایم سے سن2002 میں وابستہ ہوئیں اور ڈائریکٹر آپریشن کا چیلنجنگ عہدہ سنبھالا جس کے بعد سن2008میں ڈپٹی منیجنگ ڈائریکٹر مقرر ہوئیں۔ ان کی نگرانی میں ای بی ایم نے سن 2001میں اپنی فروخت میں 11,000ٹن سے سن 2014میں 115,000ٹن کی نمایاں نمو دیکھی۔ کمپنی نے اپنی پروڈکشن کی صلاحیتوں کے ساتھ ساتھ کئی تکنیکی اور افرادی قوت کے شعبوں میں بھی ترقی کی اور انہیں وسعت دی۔ سعدیہ ایک سچی ٹیم لیڈر ہیں جو ڈپارٹمینٹل ہیڈز کے ساتھ انتظامی نظام، طریقہ کار اور منصوبہ بندیوں کو مزید بہتر بنانے کے لئے بغور کام کرتی ہیں۔ یہ ان کی کاوشوں اور مالیاتی شعبے میں گہری معلومات کا نتیجہ ہے جس نے ای بی ایم کو ایک خود کفیل اور قرضوں سے آزاد ادارہ بنایا ہے۔

  ایم اے پی کی صدر کی حیثیت سے انہوں نے نمایاں طور پر اس کے نقشے کو ابھارا ہے جو کہ پہلے سے ہی ملک کا سب سے زیادہ تسلیم شدہ ادارہ ہے۔انہوں نے اچھے انتظامی امور کی آگہی پیدا کرنے پر توجہ دی اور ان کمپنیز کی شناخت کو فروغ دیا جو اس میں فعال طور پر ملوث رہیں۔

  سعدیہ متحرک لیڈر کی ایک بہترین مثال ہیں اور پاکستانی خواتین کے لئے قائدانہ کردار ادا کرنے کے لئے ایک مثالی شخصیت کی حیثیت رکھتی ہیں۔ پاکستان میں بہترین کاروباری کارکردگی کے لئے انہیں سن 2012 میں مارکیٹنگ ایکسیلنس اور ونڈر وومن آف دی ایئر ایوارڈز سے نوازا گیا۔ اپنے پیشہ ورانہ کردار کے ساتھ ساتھ، دھیمے انداز میں گفتگو کرنے والی اور اپنے ارد گرد لوگوں کی زندگیوں کو بہتر بنانے والی سعدیہ، فلاحی اقدامات کی حامی ہیں۔ سعدیہ کئی پیشہ ورانہ اداروں کی فعال رکن ہیں جن میں پاکستان بزنس کونسل (PBC)، انسٹیٹیوٹ آف ڈائریکٹرز (IOD) لندن، نیشنل اکیڈمی آف پرفارمنگ آرٹس (NAPA)، کورنگی ایسو سی ایشن آف ٹریڈ اینڈ انڈسٹری، کراچی چیمبر آف کامرس اینڈ انڈسٹری، آرٹس کونسل آف پاکستان اور آغا خان یونیورسٹی ہاسپٹل کینسر سوسائٹی شامل ہیں۔

• جناب احسان اے۔ ملک

  جناب احسان اے۔ ملک اس وقت پاکستان بزنس کونسل کے چیف ایگزیکیٹیو آفیسر کی حیثیت سے خدمات انجام دے رہے ہیں۔ یکم / ستمبر 2006سے 31/ اکتوبر2014تک جناب ملک یونی لیور پاکستان لمیٹڈ کے چیف ایگزیکیٹیو آفیسر اور یونی لیور پاکستان فوڈز لمیٹڈ کے ڈائریکٹر تھے۔ قبل از یں آپ یونی لیور سری لنکا لمیٹڈ کے چیئرمین اور چیف ایگزیکیٹیو آفیسر تھے۔ ان کی سابقہ بین الاقوامی تقرریوں میں مصر، لبنان، اردن، شام اور سوڈان یونی لیور کے علاقائی کاروبار (ریجنل بزنس)شامل ہیں، اس کے علاوہ برطانیہ میں یونی لیور کے ہیڈ آفس میں بھی خدمات انجام دے چکے ہیں۔ ان سے پہلے یونی لیور پاکستان میں سینیئر تجارتی اور مالیاتی عہدوں پر فائز رہے۔ آپ ایبٹ لیبارٹریز پاکستان لمیٹڈ اور آئی جی آئی لائف انشورنس لمیٹڈ کے بورڈز آف ڈائریکٹرز کے رکن بھی ہیں۔

  جناب ملک انسٹیٹیوٹ آف چارٹرڈ اکاؤنٹینٹس آف انگلینڈ اینڈ ویلز کے فیلو، اور وارٹن اور ہارورڈ بزنس اسکولز کے ایلمنائی بھی ہیں۔

• جناب علی ایچ۔ شیرازی

  جناب علی ایچ۔شیرازی نے سن 2000 ء میں ییل یونیورسٹی، امریکہ سے بی اے کی ڈگری حاصل کی اور اس کے بعد سن 2005ء میں برسٹل یونیورسٹی، برطانیہ سے قانون میں ماسٹرز کیا۔انہوں نے نیو یارک میں بینک آف ٹوکیو، مٹسوبشی اور اس کے ساتھ ٹورینس، کیلیفورنیا میں امیریکن ہنڈا میں کام کیا۔

  آپ گروپ ایگزیکیٹیو کمیٹی کے رکن ہیں جو گروپ کی مالیاتی خدمات کی ذمہ دار ہے اور اٹلس بیٹری لمیٹڈ کے پریزیڈنٹ اور چیف ایگزیکیٹیو آفیسر ہیں۔آپ اٹلس ایسیٹ مینجمنٹ لمیٹڈ، اٹلس انشورنس لمیٹڈ، ٹیک لوجکس انٹرنیشنل لمیٹڈ، نیشنل مینجمنٹ فاؤنڈیشن (لمزLUMS=کا سرپرست ادارہ)، چراٹ پیکیجنگ لمیٹڈاور پاکستان کیبلز لمیٹڈ کے بورڈز میں بھی شامل ہیں۔ آپ ینگ پریزیڈنٹس آرگنائزیشن(خزانچی = ٹریژرر) اور پاکستان سوسائٹی فار ٹریننگ اینڈ ڈیولپمنٹ کے بھی رکن ہیں۔

  آپ پاکستان انسٹیٹیوٹ آف کارپوریٹ گورننس سے ’سند یافتہ ڈائریکٹر‘ہیں اور سن2018ء میں ہارورڈ بزنس اسکول سے اونر/پریزیڈنٹ مینجمنٹ پروگرام (او پی ایم) مکمل کر چکے ہیں۔

• انجینئر عدنان عبدالوہاب خان

  جناب عدنان عبدالوہاب خان نے یونیورسٹی آف انجینئرنگ اینڈ ٹیکنالوجی سے انجینئرنگ میں گریجویشن کیا اور اس کے بعد کومسیٹس انسٹیٹیوٹ آف انفارمیشن ٹیکنا لوجی لاہورسے ایم بی اے (خصوصاً ٹیکنالوجی اور مینجمنٹ میں) مکمل کیا۔

  آپ پاکستان انجینئرنگ کونسل(پی ای سی)، انسٹیٹیوٹ آف انجینئرز پاکستان (آئی ای پی)، پروجیکٹ مینجمنٹ انسٹیٹیوٹ (پی ایم آئی) امریکہ کی رکنیت کے حامل ہیں اور پاکستان انسٹیٹیوٹ آف کارپوریٹ گورننس (پی آئی سی جی) میں بحیثیت انڈیپنڈنٹ ڈائریکٹر رجسٹرڈ ہیں۔ آپ نے پروکون کنسلٹنٹس میں بحیثیت چیف ایگزیکیٹیو آفیسر اور زومنیٹ ٹیکنالوجیز پرائیویٹ لمیٹڈ میں بحیثیت بانی اورچیف ایگزیکیٹیو آفیسرخدمات انجام دی ہیں۔ اس سے پہلے آپ ایریکسن پاکستان پرائیویٹ لمیٹڈ میں بحیثیت ریجنل منیجر اور ہواوے ٹیکنالوجیز پرائیویٹ لمیٹڈ میں بحیثیت پروجیکٹ منیجر کام کر چکے ہیں۔ آپ سائبر گیٹ پرائیویٹ لمیٹڈ کے لئے بزنس ڈیولپمنٹ منیجر اور جعفر برادرز پرائیویٹ لمیٹڈ کے لئے سیلز انجینئر کی حیثیت سے کام کر چکے ہیں۔ آپ کے کے ٹی پاکستان اور تھری ڈی لائف اسٹائل کے بورڈ کے مقام پر بھی فائز ہیں۔

  جناب عدنان پروجیکٹ مینجمنٹ انسٹیٹیوٹ (پی ایم آئی) امریکہ سے پروجیکٹ مینجمنٹ پروفیشنل (پی ایم پی) میں بھی سند یافتہ ہیں جس کے ساتھ ان کو اسٹریٹیجک مینجمنٹ، بزنس ڈیولپمنٹ، پروجیکٹ مینجمنٹ، مارکیٹنگ انالیسز، فیزیبیلیٹی اسٹڈیز، بزنس اینڈ مارکیٹنگ پلانز، پروکیورمنٹ اینڈ سپلائی چین مینجمنٹ، سب کونٹریکٹ مینجمنٹ اور ہیومن ریسورس مینجمنٹ کا اکیس سالہ وسیع تجربہ ہے۔