تمغے اور اسناد

برٹش ریٹیل کونزورٹیم (BRC)
گلوبل اسٹینڈرڈ سرٹیفکیشن

مالی سال 2020میں نیشنل فوڈز پورٹ قاسم فیسیلیٹی کو برٹش ریٹیل کونزورٹیم (BRC)گلوبل اسٹینڈرڈ سرٹیفکیشن سے نوازا گیا۔ بی آر سی آڈٹ "A"گریڈ سرٹیفکیشن سے کامیاب ہوا جو کہ نیشنل فوڈ کے کنبے کے ہر رکن کے لئے ایک قابل ِ ذکر اعزاز ہے۔

ہماری ٹیم نے سختی سے اس امر کو یقینی بنایاہے کہ تمام طریقۂ کار بی آر سی کے مطابق ہوں، جس میں انہوں نے اپنے طریقوں میں ترمیم کی ہے تاکہ فوڈ ڈیفنس کی ضمانت دے سکیں اور اس ضمن میں اپنے پڑتال کے نظام کو بڑھا دیاہے۔ ایک قابل ِ اعتماد غذائی مصنوعات تیار کرنے والے ادارے کے عہد کو پورا کرنے کے لئے ہم نے باریک بینی سے فوڈ سیفٹی فیڈ بیک کی نگرانی کی، جس کے لئے خطرات کا تجزیہ کیا تاکہ ہم اس بات کو یقینی بناسکیں کہ ہم بہترین معیاری اجزأ کا استعمال کر رہے ہیں جو بی آر سی کے معیار کے مطابق ہیں۔ اس کے علاوہ ہم نے مضبوط پری ریکویزٹ پروگرام کنٹرول کے لئے اس علاقے کو از سر نو ڈیزائن کیا جہاں اچار تیار کیا جاتا ہے تاکہ پورٹ قاسم فیسیلیٹی میں غذائی حفاظتی ثقافت کو یقینی بنا سکیں۔

برانڈ الیکشن میں سب
سے بڑا برانڈ ایوارڈ

مالی سال 2018میں منعقدہ برانڈ الیکشن میں حصہ لے کر نیشنل فوڈز نے اپنے قابل ِ قدر برانڈز کی پہچان بنانے کے موقعہ سے فائدہ اٹھایا۔ جس کے نتیجے میں نیشنل فوڈز کو، فو ڈہاؤس ہولڈ کیٹیگری میں ٹاپ برانڈ ایوارڈسے نوازا گیا۔ ہمیں بحیثیت معروف برانڈ، متفرق مصنوعات بشمول مرکب مصالحے، اچار، مصالحہ جات، کیچپ، جیم، جیلی اور مارملیڈ کے لئے نامزد کیا گیا۔ یہ کامیابی تمام نیشنل فوڈز فیملی کی محنت کشی، لگن اور سرشاری کی تصدیق ہے۔

ایم اے ایل سی کی جانب سے
ڈاکٹر رتھ فاؤ سی ایس آر ایوارڈ

نیشنل فوڈز (این ایف ایل) کو میری ایڈیلیڈ لیپروسی سینٹر کی جانب سے اعلیٰ درجے کے”ڈاکٹر رتھ فاؤ سی ایس آر ایوارڈ 2021“ سے نوازا گیا ہے، جو پاکستان میں جذام سے متاثرہ لوگوں کو طبّی سہولیات فراہم کرنے والا مشہور ادارہ ہے۔ ڈاکٹر رتھ فاؤایوارڈ این ایف ایل کو سن2020میں ایم اے ایل سی کے ساتھ باہمی تعاون کے لئے دیا گیا جس میں این ایف ایل نے جذام سے متاثرہ 2000سے زائد خاندانوں کو کھانے کے لئے نمک، سادہ مصالحے اور کیچپ کا عطیہ دیا تھا۔